Minuti Laqgha 01(05)

 Minuti tal-Laqgha Numru 01 (05) 

Il-Kunsill Lokali tal-Birgu iltaqa’ għal-laqgħa numru 1(05) fl-Uffiċini Amministrattivi tal-Kunsill F’Couvre Porte nhar it-Tlieta 3 t’April 2007 fi 6:30 ta’ filgħaxija.

Prezenti  

Is-Sur John Boxall – Kunsillier, is-Sur Christopher Cassar – Kunsillier, is-Sinjura Miriam Grech – Kunsilliera, is-Sur Ivan Peresso – Kunsillier u s-Sinjura Judith Saliba – Kunsilliera.

Peress li din kienet l-ewwel laqgħa tal-ħames Kunsill ippresediet s-sinjura Judith Saliba peress li s-sinjura Saliba hija l-iktar persuna anżjana fil-Kunsill.

Is-sinjura Judith Saliba qalet it-talba u tat bidu għal-laqgħa.

1.Hatra tas-Sindku  

Il-Kunsilliera Judith Saliba talbet lis-sur John Boxall jekk hu ma jaċċettax l-kariga ta’ Sindku, peress li skond il-liġi tal-Kunsilli Lokali, l-Kunsillier elett li, fl-aħħar elezzjoni lokali kiseb l-ogħla għadd ta’ voti ma’ l-ewwel għadd min fost il-kandidati tal-partit politiku li   kiseb l-maggoranza assoluta ta’ kunsillieri u li f’ismu ikun ikkontesta, ikun elett Sindku.

Is-Sur John Boxall aċċetta din il-kariga u qara l-aċċettazzjoni tal-kariga tiegħu bħala Sindku tal-Kunsill Lokali tal-Birgu.

Hawnhekk, il-Kunsilliera Judith Saliba filwaqt li ferhet lis-sur John Boxall, ċediet posta għas-Sur Boxall sabiex ikompli jippresiedi l-laqgha fejn filwaqt li rringrazzja lil Kunsilliera  qal li l-għan tiegħu huwa li jżomm l-Kunsill maqgħud u li hu għandu agenda waħda, li l-Birgu jkun l-ewwel u qabel kollox. Is-Sur Boxall, Sindku, awgura lil Kunsilliera u weighed l-ghajnuna tieghu sabiex dak imfassal jigi mwettaq tul din il-legislatura.

2.Hatra ta’ Vici Sindku.

Is-Sur John Boxall, Sindku, talab lis-Sur Christopher Cassar, Kunsillier, jekk hu ma jaċċettax l-kariga ta’ Vici Sindku peress li s-sur Cassar fl-elezzjoni tal-Kunsilli Lokali ta’ l-10 ta’ Marzu 2007 kien kiseb l-għola għadd ta’ voti wara s-Sindku. Is-Sur Christopher Cassar aċċetta l-kariga ta’ Viċi Sindku tal-Kunsill Lokali tal-Birgu u qara l-ittra ta’ l-aċċettazzjoni.

3.Aggornament.

Is-Sindku talab lil Kunsilliera prezenti sabiex jagħzlu l-aħjar ġurnata sabiex fiha l-Kunsill jibda jintaqa’. Wara diskussjoni, is-sinjura Judith Saliba ssugerit sabiex il-laqgha tal-Kunsill tibda ssir nhar t’Erbgha, s-sur Ivan Peresso ssekonda dan is-suggeriment u dwar dan kien hemm qbil unanimu.

Il-Laqgha ntemmet fis-7:00 ta’ filghaxija u giet aggornata ghal nhar l-Erbgha 18 t’April 2007 fi 6:00 ta’ filghaxija.

Christine Bonello                                                    ikkonfermati    John Boxall