Il-Kunsill Lokali tal-Birgu jippartecipa ukoll fl-'Inizjattiva Lokalitajiet Indaf'

Is-Sibt 17 t’Ottubru, 2009, il-Kunsill Lokali tal-Birgu ngħaqqad ma’ diversi Kunsilli Lokali madwar Malta u Għawdex fejn matul ix-xahar t’Ottubru, niehdu diversi kampanji u attivitajiet edukattivi bl-għan prinċipali li titqajjem kuxjenza favur il-ħarsien u l-konservazjoni ta’ l-ambjent u lokalitajiet indaf. Din il-kampanja edukattiva qed tiġi mħeġġa u mqajma mis-Segretarjat Parlamenti għad-Djalogu Pubbliku u l-Informazzjoni u min-naħa tad-Dipartiment tal-Gvern Lokali bl-għajnuna ta’ dawk il-kunsilli li għazlu li jipparteċipaw, fosthom, il-Kunsill Lokali tal-Birgu.

Bħala parti min din l-kampanja edukattiva, is-Sibt 17 t’Ottubru, 2009, il-Kunsill Lokali tal-Birgu bil-kollaborazzjoni tal-Vittoriosa Stars Youth Nursery organizza inizjattiva sabiex jitnaddaf “Ġnien il-Kunsill”, il-post magħruf bħala “Il-Foss” li ghal bosta snin dan il-post kien sdingat u abborit min kulhadd.
 
Għal din l-attivita pparteċipaw madwar 25 tifel mil-Vittoriosa Stars Youth Nursery bil-parteċipazzjoni tal-membri tal-kumitat u membri tal-Kunsill, bl-għan prinċipali li titqajjem kuxjenza qalb dawn it-tfal dwar l-importanza li tinżamm il-lokalita nadifa u l-ambjent aħjar, b’hekk dan il-post jintuża aħjar fil-ħin liberu tagħhom u jkun post ta’ rikreazzjoni għar-residenti tal-lokali.
 
Is-Sindku, s-sur John Boxall, irringrazzja lit-tfal kollha preżenti, kif ukoll lil Kumitat tal-Vittoriosa Stars Youth Nursery u l-ġenituri kollha li nkorreġew lil uliedhom sabiex jattendu għal din l-inizjattiva.